اقرأ حُفّاظ انٹرمیڈیٹ و ڈگری کالج ایک منفرد تعلیمی ادارہ ہے جو اسلامی تشخص کے ساتھ جدید و معیاری تعلیم فراہم کرتا ہے۔ ادارہ ایسے افراد کی تیاری کے لیے کوشاں ہے جو علمی مہارت، اخلاقی استقامت اور سماجی شعور کا حسین امتزاج ہوں۔ ادارہ اُن طلبہ کے لیے دو سالہ انٹرمیڈیٹ پروگرام میں داخلے کی سہولت فراہم کرتا ہے جو میٹرک کا امتحان کامیابی سے اچھے نمبرات میں مکمل کر چکے ہوں۔ تمام تعلیمی پروگرامز بورڈ آف انٹرمیڈیٹ ایجوکیشن کے منظور شدہ نصاب کے مطابق پڑھائے جاتے ہیں۔
اقرأ تعلیمی نظام
اقرأ حُفّاظ انٹرمیڈیٹ و ڈگری کالج
تعارف
اسلامی اقدار اور جدید عصری تعلیم کا امتزاج
ایک منفرد تعلیمی نظام
ہمارا نظام خاص طور پر حفاظ طلبہ و طالبات کے لیے تیار کیا گیا ہے، جس میں حفظِ قرآنِ مجید کو محفوظ، مضبوط اور بہتر بنانے کے ساتھ ساتھ جدید تعلیمی تعلیم بھی فراہم کی جاتی ہے۔
انٹرمیڈیٹ پروگرام
- پری میڈیکل
- پری انجینئرنگ
- آئی سی ایس (ICS)
- ایف اے (آئی ٹی)
ہر پروگرام کے ساتھ طلبہ کو اسلامی علوم کی بنیادی تعلیم بھی فراہم کی جاتی ہے، جن میں درج ذیل علوم شامل ہیں:
- منتخب احادیثِ نبوی ﷺ
- بنیادی فقہ
- تجوید القرآن
- اسلامی اخلاقیات
ڈگری کالج اور اعلیٰ تعلیمی مدارج
اقرأ حُفّاظ کے تحت ڈگری کالج بھی قائم ہے، جہاں مختلف شعبہ جات میں ایسوسی ایٹ ڈگری پروگرامز پیش کیے جاتے ہیں۔ ہمارا مربوط تعلیمی نظام طلبہ کو متعلقہ اور تسلیم شدہ جامعات میں بی ایس کے پانچویں سمسٹر میں براہِ راست داخلے کا موقع فراہم کرتا ہے، جس سے اعلیٰ تعلیم کا سفر نہایت سہل اور منظم ہو جاتا ہے۔
شخصیت سازی اور عملی رہنمائی
تعلیمی سرگرمیوں کے علاوہ ہم طلبہ کی اخلاقی، سماجی اور شخصی نشوونما پر خصوصی توجہ دیتے ہیں۔ کردار سازی کی سرگرمیوں اور منظم رہنمائی کے ذریعے طلبہ میں نظم و ضبط، اعتماد، قائدانہ صلاحیتیں اور اسلامی آداب اس طرح پروان چڑھائے جاتے ہیں کہ وہ ذاتی اور پیشہ ورانہ زندگی دونوں میں ان اقدار کا عملی مظاہرہ کر سکیں۔
ملک بھر میں اعتماد کی علامت
اقرأ حُفّاظ انٹرمیڈیٹ و ڈگری کالج کراچی، لاہور، راولپنڈی، کوئٹہ اور پشاور میں کامیابی کے ساتھ خدمات انجام دے رہا ہے اور معیاری تعلیم کا ایک معتبر نام ہے۔